Verkefnið " Helpdesk "

Á mánudaginn var fundur hjá Bjarna og Robin hér í húsinu.  Þeir fóru meðal annars yfir kostnaðaráætlun fyrir Verkefnið og leiðir til þess að mæta þeim kostnaði.  Hvaða hugbúnað skyldi velja, með þarfir Helpdesksins í huga og ver næstu skref skuli vera.   Áður en við komum út var Bjarni búinn að vera í sambandi við Logmein, hugbúnaðarfyrirtæki sem lýsti sig reiðubúið til að styrkja Verkefnið í formi hugbúnaðar.  Fyrsta skrefið virðist að stofna fyrirtæki sem gæti séð um reksturinn og fá styrktaraðila til þess að sjá um þann kostnað, sem af því leiðir.  Í farveginum er samningur við Menntamálaráðuneytið hér á Seychelles sem hefur lofað fjárhagslegum stuðningi við Verkefnið.  Bjarni og Hlín fóru svo á fund í dag með Cable & Wireless.  Þeir styrkja þetta verkefni meðal annars með því að sjá þeim fyrir húsnæði, er koma hingað í sjálfboðavinnu.  C&W er eitt stærsta símafyrirtækið á eyjunum.  Þeir hafa stutt ríkið í að netvæða alla skóla Seychelles frítt.

 

Athugasemdir

[Jóhann Úlfars (IP-tala skráð) 17.10.2008 kl. 16:35]

Glæsilegt þetta, gaman að heyra að ykkur gengur vel. Bjarni hefur alltaf mörg ráð við að gera hlutina, vonandi fattar þeir það ekki þarna. Þórdís og Bjarni yrðu gerð að greifahjónum.  Gangi ykkur allt sem best elskurnar, eða eins við hérna á Íslandi segjum. Áfram Ísland, koma svo.......   Dóra biður að heilsa, ykkar vinur Jóhann